Барыс және шығыс септіктері

Оқушылар шығыс септігінің жалғауларын сөзге дұрыс тіркестіруде, әсіресе үндестік заңын сақтауда жиі қателеседі. Соның салдарынан жалғауды механикалық жаттап алғанымен, оны сөйлеу барысында орынды қолдана алмай жатады. Бұл жұмыс парағы арқылы Сіз оқушыларды тек ережені қайталауға емес, жалғауды нақты тілдік жағдаятта талдап, ойлануға және өз ойын жеткізу барысында саналы қолдануға бағыттайсыз. Тапсырмалар шығыс септігінің қызметін өмірлік жағдаяттармен байланыстырып, ассоциациялар арқылы есте сақтауға көмектеседі. Нәтижесінде оқушылар үндестік заңын дұрыс қолданып, шығыс септігін ауызша және жазбаша тілде сенімді пайдалану дағдысын қалыптастырады.