Жіктік жалғауы. Функционалды қызметі

Бұл тапсырмалар жүйесі оқушының жіктік жалғауын тек грамматикалық тұлға ретінде емес, қарым-қатынас құралы ретінде қолдануына бағытталған. Сабақты ұйымдастыру барысында оқушыларды дайын үлгіні қайталатумен шектелмей, әр жауаптың қандай коммуникативтік мақсатқа қызмет ететінін талдату ұсынылады.Бірінші тапсырмада оқушылар жіктік жалғауларын диалогтік жағдаятта қолданады. Мұғалім жауаптың дұрыстығымен қатар, тілдік бірліктің қызметіне назар аудартады.Екінші тапсырмада есімдіктер мен жіктік жалғауларының байланысын анықтатып, жұптық сөйлесім ұйымдастырған тиімді. Оқушылар өздері туралы, сыныптастары туралы және күнделікті өмірге қатысты диалогтер құрастырады.